Í mars verða fimm spælarar úr B36 við á trimum ungdómslandsliðum.
Sigga Smæra Næs og Ester Vang – sum eru á høvuðsmyndini – eru við í ferðalagnum, tá U16-landsliðið fer til Moldova tann 9. mars. Landsliðsvenjarin Jákup Mortensen hevur sent boð eftir teimum báðum úr B36. U16 fer at spæla menningarkappingina WU16 UEFA í døgunum frá 9. til 18. mars.
Lilja Debes av Teigum og Ragnhild Magnussen skulu við U17-landsliðnum, sum skal spæla EM-undankapping í Slovenia í døgunum frá 10. til 19. mars.
Marta Østerø er úttikin til U19-landsliðið, sum í hesum døgum – frá 3. til 8. mars – spælur Baltic Cup í Lettlandi.