Brian Jakobsen fer í ár aftur at spæla fyri B36. Hann hevur skrivað undir sáttmála, sum er galdandi fyri 2025.
Brian Jakobsen hevur fyrr spælt fýra kappingarár í B36. Árini frá 2019 til 2022 var strandingurin álopsspælari her, áðrenn hann flutti út á Argir at spæla. Í fjør umboðaði hann B68.
Brian Jakobsen er 33 ár, og hann er higartil skrásettur fyri 199 dystir og 60 mál í bestu deildini, sambært Faroesoccer.
Í ár fer hann so aftur at kappast um álopspláss í B36.