Leygardagin skal húsið snøggast nakað. Seinni er hugnaløta við pizza og landsliðsfótbólti

Árligi arbeiðsdagurin hjá okkum í B36 verður komandi leygardag – 23/3 – frá klokkan 10.

Tíbetur verður okkara kæra felagshús nógv brúkt, men tað merkir eisini, at nakað av sliti er. Leygardagin fara vit at hampa har, sum hampast skal, og sjálvandi verður eisini bæði ruddað og vaskað.

Landsliðssteðgur er í landskappingini, so ætlandi runda vit dagin av við pizza og landsliðsfótbólti, har vit vónandi síggja Árna & co vinna trý stig heim til Føroyar.