Tey flentu at troyggjunum
Skrivað av Jákup Mørk   
Mánadagur, 18. apríl 2011 21:25

 

Millum mongu ferðirnar, sum eru gjørdar við B36, hava vit her mynd av smádreingjaliðnum, sum tók lut í Vildbjerg Cup og Solsidens Pondus Cup í 1987

 

Tá var ikki fastur táttur, at lið í yngru deildunum hjá B36 vóru á uttanlandsferð, og tí var spenningurin stórur, tá farið varð avstað. Pening til ferðina høvdu dreingirnar millum annað vunnið sær við at arbeiða fyri kommununa, og við góðum stuðli frá Stuðlafelagnum bar tí til at fara um hav við Norrønu.

Fyrst varð kappast í Vildbjerg Cup, har liðið mátti takka fyri seg longu eftir bólkaspælið. Í Solsidens Pondus Cup, sum varð hildin í Nørresundby, lá tó betur fyri. Eisini hóast tað var ikki sørt, at áskoðarar og mótstøðulið høvdu smílini frammi, tá fyrsti dysturin skuldi spælast.

Tað var nevnliga krav, at liðini høvdu heima- og útivøllarbúnar. B36-dreingirnir spældu vanliga í hvítum, og í neyðini var eitt av gomlu svørt/hvítu settunum frá onkra staðni í 70’unum tikið við sum útisett.

Hetta skuldi brúkast í fyrsta dystinum í Nørresundby, og dreingirnir hildu tað vera mest sum flóvisligt at møta upp í hesum heldur gamaldags klæðunum.

Ikki fyrr enn beint fyri dystarbyrjan varð farið úr venjingarbúnunum, men smílini, sum mótstøðumenninir høvdu, minkaðu tó skjótt. B36 vann hendan fyrsta dystin ikki minni enn 10-0, og hóast tað ikki gjørdist til gull, so var talan um frálíka kapping, har liðið ongan dyst tapti. Í hálvfinaluni máttu okkara menn tó lúta eftir brotsspakskapping móti seinnu vinnarunum úr Vadum. Men í bronsudystinum eydnaðist tað okkara at vinna á norskum liði eftir umdyst, og við bronsumerkjum um hálsin kundu teir heldur erpnir leggja leiðina heim.

Myndin er tikin í Nørresundby, og eftir fyrsta dystin himpraðust dreingirnir ikki longur við at fara í gomlu klæðini.

 

 

Aftast standa Mark Hayfield, Teitur Árnason, Hans Thomassen, Ólafur Debes og Fríði B. Nielsen. Í miðraðnum standa Jákup Mørk, Brandur Jacobsen, Jan Larsen, Fróði Madsen, Bjarni Arge og Júst Vang. Fremst sita Rúni Mortensen, Allan Mørkøre (Dybzcak), Jakob Skaaning, Bogi Eliasen, Ronnie Kjærbo (Háfoss) og Annfinn Danielsen, sum var venjari. Við á ferðini var eisini Karin við Høgadalsá, sum var liðleiðari.

 

 

Ársveitslan 2018

Ársveitslan hjá B36 verður

03 november 2018

Keyp atgongumerki til ársveitsluna her :

 

Komandi dystir

Komandi dystir

Betrideildin

 
   sunnudagin 21. okt  kl. 15:00

  -----------------

2. deild menn

 Endaði nr 2. og flytir upp í 1. deild :)

  -----------------

Betri deildin kvinnur

B36 - B68 - týsd. 23.10 kl.

 

Støðan í Betri-deildini

Tín meining

Hvør var dagsins maður, B36-07 Vestur 2-0?
 

Leinkir

Keyp B36 bókina her :

 

Intersport Summar Cup 2018

 

B36 á Facebook og Instagram

 

Leiga B36 húsið

 

B36 FAN SHOP

 

Føroysk fótbóltshagtøl

 

B36 er limur í ECA

 

 

 

Innritan