Gjaldið limagjaldið her!

KLUBMODUL eitur nýggja limaskipanin hjá B36, og hetta merkir, at allir limir skulu gjalda síni limagjøld umvegis nýggju skipanina á hesi síðuni.

Nýggja skipanin hevur til endamáls at skráseta øll íðkandi hjá B36, og tá spælarar í B36 gjalda limagjaldið her, eru teir samstundis skrásettir sum limir í B36.

Við nýggju skipanini verður ikki longur møguligt at gjalda limagjald við vanligari flyting umvegis bankan. Nógv umsiting hevur verið av tí, og nú øll gjøld fara um nýggju skipanina, lættir tað munandi um hjá felagnum umsitingarliga.

Vónandi lættir nýggja skipanin eisini um hjá foreldrum og spælarum, sum skjótt og lætt kunnu gjalda limagjøldini her. Felagið heitir á øll um at gjalda limagjald nú! Tá limagjaldið er goldið, er spælarin limur í tryggingarskipanini hjá ÍSF.
 

Tá tú hevur goldið limagjaldið í B36 kanst tú: Luttaka á limadegnum, har børn og ung sleppa venja saman við Effo deildinum, Luttaka í venjing hjá B36, har felagið veitir góðar venjarar og útgerð til venjingina*, Luttaka í dysti fyri lið hjá B36, har felagið veitir dystarklæðir, Fáa goldið ferðin í samband við dyst, tá ferðast verður við SSL, Luttaka í sosialium tiltøkum, ið felagið skipar fyri. Eitt nú jóla-, føstulávints-, summar- og endaveitslu, Øll sum hava goldið limagjald í B36 fáa eina ókeypis flotta B36 t-shirt og drekkidunk.

Niðanfyri trýsta tit á leinkijuna, skriva kravdu upplýsingarnar og gjalda so upplýstu upphæddina.

GEVIÐ GÆTUR: Eitt avgreiðslugjald verður kravt saman við limagjaldinum. Umsitarar av skipanini fáa gjaldið. Mælt verður til at brúka VISA/Dankort. Gjaldið er hægri við øðrum kortum.