Estiskur áleypari
Mánadagur, 15. januar 2018 13:34

alt

Kaimar Saag er navnið á manninum, sum er ætlaður til fremsta álopsplássið á Betri-liði okkara í ár

 

Tá tað í vetur stóð greitt, at Patrik Johannesen skuldi uttanlands at leita sær nýggjar avbjóðingar, fóru leiðsla og høvuðsvenjari hjá B36 alt fyri eitt undir arbeiðið at finna nýggjan mann til fremsta álopsplássið.

Tann leitanin er nú liðug, og í dag varð sáttmáli skrivaðu við 29 ára gamla Kaimar Saag.

Saag er úr Estlandi, og hann hevur drúgvar royndir í bæði altjóða og norðurlendskum fótbólti. Í fleiri ár var hann álopsmakkari hjá Christian Lamhauge Holst í Silkeborg – bæði í donsku superliguni og 1. deild.

Síðani hevur hann spælt við Vejle/Kolding í Danmark, umframt at hann hevur roynt seg í Svøríki og Noreg. Seinastu tvey árini hevur hann spæla í triðju bestu norsku deildini, har hann hevur skotið 26 mál í 50 dystum.

Hann hevur umboðað øll U-landslið hjá Estlandi, og 46 ferðir hevur hann spælt á estiska A-landsliðnum. Ein av hesum dystunum var tann 11. august 2010, tá hann í 91. minutti javnaði til 1-1 móti Føroyum í einum dysti, sum Estland at enda vann 2-1. Sum eitt kuriosum kann nevnast, at sami dysturin gjørdist tann seinasti A-landsdysturin hjá Jákupi á Borg.

 

Ársveitslan 2018

Ársveitslan hjá B36 verður

03 november 2018

Keyp atgongumerki til ársveitsluna her :

 

Komandi dystir

Komandi dystir

Betrideildin

 
   sunnudagin 21. okt  kl. 15:00

  -----------------

2. deild menn

 Endaði nr 2. og flytir upp í 1. deild :)

  -----------------

Betri deildin kvinnur

B36 - B68 - týsd. 23.10 kl.

 

Støðan í Betri-deildini

Tín meining

Hvør var dagsins maður, B36-07 Vestur 2-0?
 

Leinkir

Keyp B36 bókina her :

 

Intersport Summar Cup 2018

 

B36 á Facebook og Instagram

 

Leiga B36 húsið

 

B36 FAN SHOP

 

Føroysk fótbóltshagtøl

 

B36 er limur í ECA

 

 

 

Innritan